التجاني الحاج موسى ينعى الكوباني شعرا

الخرطوم: سودان فيرست

صاغ الشاعر الكبير التجاني حاج موسى مرثية حزينة في وفاة الدكتور والشاعر الراحل علي الكوباني الذي ودعته البلاد قبل يومين.
ورثى حاج موسى كوباني بأبيات اختار لها اسم أبنوسي الملامح يقول فيها:
أبنوسي الملامح،،
ياصافي السريرة..
خلاص فايت مراوح؟؟؟
خلاص فضيتا سيرة؟؟؟
كوباني المسامح،،
ياضي القبيلة،،
شايفك هسة سارح،،
في داخل خميلة،،
حافنك ملائكة،،
في الجنة النضيرة،
يرددوا في غناك،،
ويبشروا بالعديل،،
محفوظ في قلوبنا،،
صورتك، جد، جميلة،،
ما بننساك أبدا،
ياصافي السريرة،،
ياالبسام وضاحك،،
ياالروح النبيلة،،
اكيد دنيانا بعدك،،
مابتصبح جميلة!!!
يازينة المجالس،،
ويانفحة عبيرا،،
دايما كنت واضح،
في الساهلة وعسيرة،،
وفي الحق، كنت ساطع،،
زي شمس الضهيرة،،
هز خبر رحيلك،،
خلوق من ناس غفيرة،،
ألوف بالحسرة يبكوك،،
بالدمعة الهميلة،،
ويعددو في صفاتك،،
نفيلة ورا نفيلة،،
المعدودة تمت،،
خطواتك عديلة،،
ومسيرة حياتك،،
كلها، جد، نبيلة،،
مابتوفيك حروفي،،
عليك ياأخوي قليلة،،
نوم مرتاح غرير،،
قلوبنا براك عليلة،،
سيرتك باقية فينا،،
ماجمايلك كتيرة،،
وذريتك يشبو،،
على نفس الوتيرة،،
ينهضو نسخة منك،
ياالقدوة الجميلة،،
يرحمك الكريم،، بي رحماتو الكتيرة…